ހައްޖު ކޯޓާތައް މަދުކުރުމަށް ސައުދި އަރަބިއްޔާއިން ނިންމި ނިންމުމާއި ގުޅިގެން ރާއްޖެއަށް ލިބިފައިވާ ކޯޓާގެ ވިހި އިންސައްތަ އުނިކޮށް، މިފަހަރު ހައްޖަށްދެވޭނީ އަށްސަތޭކަ މީހުންނަށް ކަމަށް އިސްލާމިކް މިނިސްޓްރީން ބުނެފިއެވެ.
ޖުޑިޝަލް ސަރވިސް ކޮމިޝަން (ޖޭއެސްސީ) އިން ސަސްޕެންޑު ކޮށްފައިވާ ހައި ކޯޓުގެ އިސް ފަނޑިޔާރު އަހުމަދު ޝަރީފްގެ ސަސްޕެންޝަނުގެ މައްސަލައާގުޅިގެން ސިވިލްކޯޓަށް ހުށަހެޅި މައްސަލަ އެކޯޓުން ބާޠިލް ކޮށްފިއެވެ.
ރައީސުލްޖުމްހޫރިއްޔާ ޑރ. މުހައްމަދު ވަހީދު މިއަދު ހަވީރު ނައިޓްމާކެޓަށް ޒިޔާރަތްކުރައްވައިފިއެވެ.
މަލީޝާ ހައްޖު ޖަމާއަތުން އޮޅުވާލައިގެން ފައިސާނެގުމަށްފަހު ހައްޖަށް ނުދެވުނު ސަތޭކަ ސައްބީސް މީހުންގެ ތެރެއިން ބައްތިރީސް މީހަކު މިފަހަރު ހައްޖަށް ގެންދިއުމަށް ނިންމާފައިވާކަމަށް އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ފިނޭންސް މިނިސްޓްރީގެ ދެހާސް އެގާރަވަނަ އަހަރުގެ އޮޑިޓް ރިޕޯޓް ޝާއިއުކުރުމާއި ހަމައަށްވެސް އޮޑިޓް ރިޕޯޓްގައި ހުރި މައުލޫމާތު ތަކާއި މެދު އެމިނިސްޓްރީގެ އެއްވެސް ކޮމެންޓެއް ލިބިފައިނުވާކަމަށާއި އެހެންކަމުން ރިޕޯޓްގައި ފާހަގަކޮށްފައިވާ މައްސަލަތަކުގައި ހިމެނޭ އަދަދުތައް ބަޔާން ކުރުމުގައި ކުށެއް ހިމެނިފައި އޮތުމަކީ އެކަށީގެންވާކަމެއްކަމަށް އޮޑިޓް އޮފީހުން ބުނެފިއެވެ.
އީރާނުން ކުރިއަށް ގެންދާ ނިއުކްލިއަރ ޕްރޮގްރާމް މިހާރަށްވުރެ ހާމަކަން ބޮޑު ގޮތެއްގައި ކުރިއަށް ގެންދަން ތައްޔާރަށް ހުންނެވި ކަމަށް އެޤައުމުގެ ރިޔާސީ އިންތިހާބު މިފަހަރު ކާމިޔާބު ކުރެއްވި ހަސަން ރުހާނީ ވިދާޅުވެއްޖެއެވެ.
ބްރެޒިލްގައި މިހާރު ކުރިއަށްދާ ކޮންފެޑަރޭޝަންސް ކަޕް ފުޓްބޯޅަ މުބާރާތުގައި ޔޫރަޕާއި ދުނިޔޭގެ ޗެމްޕިއަން ސްޕޭން ކުޅުނު މެޗް އެޓީމުން ކާމިޔާބުކޮށްފިއެވެ.
ދިޓީވީއަށް ޚިޔާލު ދެއްވުމަށް!
